கணிமொழி - ஆனி - ஜூன் 2008

எம் உடன் பணிபுரிவோரது பெயருக்கும் எமது ஸ்தாபனத்தின் பெயருக்கும் LITD 15 (இந்திய அரசினை பிரதிநிதிக்க வேண்டி ஏற்படுத்தப்பட்ட 22 அங்கத்தினர்களைக் கொண்ட குழுவின் பெயர்) கமிட்டியின் ஏனைய பிறரது பெயருக்கும் மைக்ரோசாப்ட் ஏற்படுத்திய களங்கமும் அவதூறுமே எமது உளைச்சலுக்கான முதற் காரணம். அரசாங்கத்தால் நன்கு ஏற்படுத்தப் பட்ட முறையொன்று தமது பணியை பூர்த்தி செய்து இந்தியாவின் முடிவில் மாற்றம் இல்லை என உறுதியாகத் தெரிவித்த பின்னும் மைப்ரோசாப்ட் இந்திய தலைமையை தமது நிலையை மாற்ற வேண்டி தொடர்ந்து பாரப்படுத்தியது எமது உளைச்சலுக்கான இரண்டாவது காரணமாகும்.

குமரேசன் - காஞ்சிபுரம் - தமிழ்ச் சொல்லே ஆயினும் சில இடங்களில் அதன் பொருளை எம்மால் விளங்கிக் கொள்ள இயலவில்லை. என்னைப் போலவே நம் மக்களுக்கும் இத்தகைய சிரமம் இருக்கலாம்.

இந்த மின்னஞ்சல் குழுவிற்கு ஒரு அஞ்சல் அனுப்பினால், அதன் உறுப்பினர்கள் அனைவரையும் சென்றடையும். யார் வேண்டுமானாலும் பதில் தரலாம். இந்த குழுக்களில் சுவையான விவாதங்கள் பல நடக்கும். யாராவது கேள்வி கேட்டால் பலரும் பதில் தருவர். எல்லா கேள்வி பதில்களும் லினக்ஸ் மற்றும் பிற திறந்த மென்பொருட்கள் பற்றியே இருக்கும். உங்கள் பகுதியில் உள்ள 'லினக்ஸ் பயனர் குழு' பற்றி அறிய இணையத்தை நாடுங்கள்.

பணிகள் பலவற்றை ஒரு சேர ஆதரிக்க வல்ல இயங்குதளமானது பலப் பணி புரி (mutitasking) இயங்கு தளமாகக் கருதப்படுகிறது. ஆரம்பத்திலிருந்தே பலப் பணிகளை புரிந்திட வேண்டும் எனும் நோக்கத்தோடு வடிவமைக்கப் பட்டமையால் யுனிக்ஸ் குடும்ப இயங்கு தளங்கள் இவ்விடயத்தில் விண்டோஸ் மாகின்டோஷ் போன்ற பிற இயங்கு தளங்களைக் காட்டிலும் அதிகத் திறன் வாய்ந்ததாகத் திகழ்கிறது. திறன் மிக்கதாய் நம்பகத்தன்மை வாய்ந்ததாக திகழ்வதே பிணையச் சேவைகள், தகவல் பரிமாற்றங்கள், இணையச் சேவைகள் போன்றவற்றிற்கு லினக்ஸை உகந்ததொரு தேர்வாக்குகிறது.

வாங்கி - சேவைகளை வழங்குவது வழங்கி எனக் கொண்டால் அதனைப் பெற்றுக் கொள்ளும் கருவிகளை வாங்கி என அழைக்கலாம். மடல்களை பரிமாறிக் கொடுக்கும் மையமாக ஒரு இடத்தில் மடல் வழங்கியினை நிறுவிக் கொள்ளலாம். மடல்களை நம்மிடத்திலிருந்து அனுப்ப பெற்றுத் தர மடல் வாங்கியைப் பயன்படுத்திக் கொள்ளலாம். இவை வழங்கியின் மூலமாக பரிமாறப்படும்.

மும்பை நகரில், பேருந்துகளில் டிக்கட்டுகள் விற்க 'ஸ்மார்ட் கார்டு' களை பயன் படுத்துகிறார்கள். பயணிகள் பேருந்து நிலைய அலுவலகங்களில் தேவையான பணத்திற்கு, ஸ்மார்ட் கார்டுகள் வாங்கலாம். பேருந்தில் ஏறிய பின், இதை கணிப்பொறியிடம் காட்டினாலே போதும். பேருந்துகளில் கணிப்பொறி, Smart card readers, Wireless LAN, GPS, வழி காட்டும் கருவி என எல்லா வசதிகளும் உள்ளன. தினமும் 30 லட்சம் ரூபாய் பண பரிமாற்றம் நடைபெறுகிறது. லினக்ஸை பயன் படுத்துவதால், மும்பை மாநகரம் இதுவரை 12 லட்சம் ரூபாய்களை சேமித்துள்ளது.

கணிமொழியின் இம்மாத இதழ் வாசிக்கவல்ல பிடிஎப் ஆவணமாகவும் கிடைக்கப் பெறுகிறது. பதிவிறக்குதற்கான முகவரி: http://kanimozhi.org.in/padhivirakkam/Kanimozhi-Aani-June-2008.pdf