கணிமொழி

மென்பொருளை விநியோகித்திடும் பொருட்டு ஒருவர் அதற்காக விலை கோரக் கூடாது என்பதும், அப்படியே கோரினாலும் அடக்க விலையை ஈடு செய்யப் போதுமான குறைந்த அளவிலேயே அவ்விலை இருத்தல் வேண்டும் என்பதுமே குனு திட்டத்தின் உளப்பாங்கு என்று பலர் நம்புகின்றனர்.

ஆனால் உண்மையில் கட்டற்ற மென்பொருள் விநியோகிப்போரை, அவர்கள் அதிகபட்சம் எவ்வளவு விலை வைத்து விற்க விரும்புகின்றரோ அவ்வளவு விலைக்கோ (அ) அவர்களால் அதிகபட்சம் எவ்வளவு விலை வைத்து விற்க முடியுமோ அவ்வளவு விலைக்கோ விற்குமாறு நாங்கள் ஊக்கப்படுத்துகிறோம். சற்றே வியப்பூட்டும் விஷயமாக இது தங்களுக்கு தோன்றினால் தொடர்ந்து வாசியுங்கள்.

ஆங்கிலத்தில் பிரி என்ற சொல்லுக்கு இரண்டு பொருள் உண்டு. விடுதலையை குறிக்கவும் அது பயன்படலாம் விலையைக் குறிக்கவும் அது பயன்படலாம். பிரி சாப்டுவேர் பற்றி நாம் பேசுகிற போது நாம் விடுதலையைப் பற்றி பேசுகிறோம், விலையைப் பற்றி அல்ல. (பிரி ஸ்பீச், என்று நினைக்கவும் பிரி பீர் அன்று.) குறிப்பாக, நிரலை மாற்றியோ மாற்றாமலோ, இயக்குவதற்கும், மாற்றுவதற்கும், மறுவிநியோகம் செய்வதற்கும் பயனருக்கு சுதந்தரம் உண்டென்று அர்த்தம்.