வகைகள் விளக்கம்

கணிமொழி பற்றிய அறிமுகப் பக்கம்.

• தொழில்நுட்பத்தை அறிய விழையும் எளிய மக்களுக்காக மேற்கொள்ளப்படும் சிறிய முயற்சியாகும் இது.
• இதில பங்களிக்க தாங்கள் அதிநுட்ப ஆற்றல் வாய்ந்தவராக இருக்க வேண்டும் என்ற கட்டாயமில்லை.
• தங்களுக்கு தெரிந்த விடயத்தை இயன்ற எளிய முறையில் எடுத்துரைக்க ஆர்வம் இருப்பின் போதுமானது.
• இதன் வளர்ச்சி நம் ஒவ்வொருவரின் கையிலுமே உள்ளது.
• குறைகளிலிருப்பின் முறையாக தெரியப்படுத்தி முன்னேற்றத்திற்கு தோள் கொடுக்கவும்.

கட்டற்ற மென்பொருளின் அவசியத்தை வலியுறுத்தி மேற்கொள்ளப்படும் விழிப்புணர்வு செய்திகளை மக்களிடையே எடுத்துச் சென்றிட விழையும் பகுதி. கட்டற்ற மென்பொருள் பிரச்சார இயக்கங்கள், அறைகூவல்கள் முதலிய விடயங்களை தாங்கி இப்பகுதி வளரும்.

சற்றே நுட்பமான விடயங்களை அலசவிருக்கும் பகுதி. நிரலாக்கம், கணிநுட்பக் கூறுகள், சட்ட நுணுக்கங்கள் உள்ளிட்ட பக்கங்களை இங்கே எதிர்பார்க்கலாம்.

கணித் துறையில் தமிழின் பயன்பாடு பெருகி வரும் நேரத்தில் அதனை கட்டற்ற மென்பொருளுடன் இணைத்து கொண்டு செல்வது குறித்த விரிவான பக்கங்களை கொணர விருப்பம். மொழிபெயர்ப்புகள், தமிழ் பயன்பாடுகள் உருவாக்கம், இயற் மொழியாக்கம் உள்ளிட்ட பல விடயங்களை உள்ளடக்கியதாக வளர்வது இதன் உத்தேசம்.

கட்டற்ற இயங்கு தளங்களைப் பயன்படுத்தினாலும் அவற்றிலும் தனியுரிம மென்பொருட்களின் பயன்பாடுகள் இருக்கத் தான் செய்கின்றன. தொழிற் முதலிய தனிப்பட்ட பல காரணங்களுக்காக இவை மக்களுக்கு தேவைப்படுகின்றன. இத்தகைய மென்பொருட்களை பயன்படுத்துவதை கணிமொழி ஒருபோதும் பரிந்துரைக்கவில்லை. இப்பகுதியில் குறிப்பிடப்படும் மென்பொருட்களுக்கு கட்டற்ற மாற்றுக்கள் இருப்பின் அவசியம் தெரியப்படுத்தப்படும். இவை தனியுரிம இயங்குதளங்களின் பால் மோகப்பட்டு கிடக்கும் மக்களை கட்டற்ற இயங்குதளங்களின் பக்கம் ஈர்க்க உதவும் எனும் எண்ணத்தில் மட்டுமே பிரசுரிக்கப்படுகின்றன.

தனியுரிம இயங்குதளங்களை புறக்கணிப்பது போலவே தனியுரிம மென்பொருட்களையும் மக்கள் புறக்கணிக்க வேண்டும் என்பதே எங்கள் அவா. அங்ஙனம் ஒரு தனியுரிம மென்பொருளுக்கு மாற்றாக கட்டற்ற மென்பொருள் இல்லையெனின் அவற்றை உருவாக்கிட முனையும் முதல் மனிதர் தாங்களாக இருக்க வேண்டும் என்பது எங்கள் கோரிக்கை.

கணிமொழிக்கு ஆதரவு தருவோர் விவரம்.